ഞാനാണ് ഗോയ

ഞാനാണ് ഗോയ
ഒഴിഞ്ഞ വയലിന്റെ,
ശത്രുവിന്റെ കൂർത്ത കൊക്കിനാൽ ചൂഴ്ന്നെടുക്കപ്പെട്ട കൺകുഴികളുടെ,

ഞാനാണ് ദുഃഖം
യുദ്ധത്തിന്റെ നാവ് , 1941 ലെ ഹിമത്തിനു മേൽ വീണ നഗരങ്ങളുടെ പൊരികൾ
ഞാനാണ് വിശപ്പ്

ഞാനാണ്
തൂക്കിലേറ്റപ്പെട്ടവളുടെ അന്നനാളം
അവളുടെ ഉടലോ
ആളൊഴിഞ്ഞ ചത്വരത്തിനു മേൽ
മണി പോലെ മുഴങ്ങി
ഞാനാണ് ഗോയ

ക്രോധത്തിന്റെ മുന്തിരിപ്പഴങ്ങളേ !
ക്ഷണിക്കാതെ വന്നവന്റെ ചാരം
ഞാൻ പടിഞ്ഞാറേയ്ക്ക് ചുഴറ്റിയെറിഞ്ഞു!
നക്ഷത്രങ്ങളെ മറവി ബാധിക്കാത്ത ആകാശത്തിൽ ആണികൾ പോലെ തറച്ചു
ഞാനാണ് ഗോയ.

ആന്ദ്രേ വോസ്നെസെൻസ്കി: സോവിയറ്റ് റഷ്യയിലെ മഹനായ കവിയും എഴുത്തുകാരനുമായിരുന്നു. 60കളില്‍ റഷ്യയില്‍ രൂപപ്പെട്ടിരുന്നു ബുദ്ധിജീവികളുടെ രാഷ്ട്രീയ-സാംസ്കാരിക സംഘത്തിലെ അംഗമായാണ് അറിയപ്പെട്ടിരുന്നത്. റോബര്‍ട്ട് ലോവലിനെപ്പോലുള്ളവര്‍ ഏതു ഭാഷകളിലെയും മഹാന്മാരായ കവികള്‍ക്ക് സമശീര്‍ഷനാണ് ആന്ദ്രേയെന്ന് വിശേഷിപ്പിച്ചിരുന്നു. ക്രൂഷ്ചേവ് നേതൃത്വം നല്‍കിയ റഷ്യൻ ബുദ്ധിജീവികളുടെ നവതരംഗ സംഘമായ “60-കളിലെ കുട്ടികളിൽ” ഒരാളായിരുന്നു. 1933 മെയ് 12ന് ജനിച്ച ആന്ദ്രേ 77 മത്തെ വയസില്‍ 2010 ജൂണ്‍ ഒന്നിനായിരുന്നു അന്തരിച്ചത്. നിരവധി കൃതികളുടെ കര്‍ത്താവാണ്. യുഎസ്എസ്ആര്‍ സ്റ്റേറ്റ് പ്രൈസും, റഷ്യന്‍ ഫെഡറേഷന്റെ പ്രൈസും ഉള്‍പ്പടെ നിരവധി അംഗീകാരങ്ങള്‍ ലഭിച്ചിട്ടുണ്ട്.

*****