നുണകൾ

കുട്ടികളോട് നുണകൾ പറയുന്നത് തെറ്റാണ്
നുണകൾ നേരാണെന്ന്
അവരെ ബോദ്ധ്യപ്പെടുത്തുന്നതും തെറ്റാണ്
ദൈവം സ്വർഗ്ഗത്തിലുണ്ടെന്നും
ലോകത്തിൽ കാര്യങ്ങളെല്ലാം ഭംഗിയാണെന്നും
അവരോട് പറയുന്നത് തെറ്റാണ്
നിങ്ങളുദ്ദേശിക്കുന്നത് എന്താണെന്ന്
അവർക്കറിയാം
അവരും ജനങ്ങളാണ്
എണ്ണിയാലൊടുങ്ങാത്ത ബുദ്ധിമുട്ടുകളുണ്ടെന്ന്
അവരോട് പറയൂ
വരാനിരിക്കുന്നതിനെ മാത്രമല്ല
ഇന്നുള്ള കാലത്തേയും
വ്യക്തമായി അവർ കാണട്ടെ
അവർക്ക് നേരിടേണ്ട തടസ്സങ്ങളുണ്ടെന്ന്
വേദനകൾ വരുമെന്ന്
ദുരിതങ്ങൾ പെയ്യുമെന്ന്
നരകവും ഒപ്പമെന്ന്
അവരോട് പറയൂ
ആനന്ദത്തിന്റെ വില ഒരിക്കലും അറിയാത്തവന്
ആനന്ദിക്കാനാകില്ല
നിങ്ങൾ തിരിച്ചറിയുന്ന ഒരു തെറ്റിനോടും
പൊറുക്കാതിരിക്കൂ
അല്ലെങ്കിൽ അതാവർത്തിച്ചു കൊണ്ടേയിരിക്കും
നൂറ് മടങ്ങായി
പിന്നീട്
നമ്മുടെ കുട്ടികൾ
നമ്മൾ പൊറുത്തതിനൊന്നും
നമ്മളോട് പൊറുക്കുകില്ല.

***