ചൊവ്വ
പുര നിറഞ്ഞുകവിഞ്ഞു നിന്ന
ഹിന്ദുപ്പെണ്ണിന്റെ സ്വപ്നത്തില്
ചൊവ്വാഗ്രഹമെത്തി
ഭൂമിയില് നിന്നും
ദശലക്ഷക്കണക്കിനു കി.മീ
ദൂരെയുള്ള ഞാന്
നിന്റെ കല്യാണം മുടക്കിയിട്ടില്ല.
നിരപരാധിയെ നോക്കി
പെണ്ണ് കണ്ണു തുടച്ചു
അപരാധികള്
കവിടിക്കെട്ടുമായി
ഓടിയൊളിച്ചു.
***
കപ്പയൂരപ്പന്
പള്ളിപ്പറമ്പില്
കപ്പ നടാന് കിളച്ചപ്പോള്
കിട്ടിയതാണ്
നാലു കൈയ്യും ലിംഗവുമുള്ള അപ്പന്.
അതാ,
പൂണൂലനും
കവിടിക്കാരനും വന്നു
മൈക്കും വഞ്ചിപ്പെട്ടിയും വന്നു
കവിയും വന്നു
കപ്പയൂരപ്പാ, ലോകാധിനാധാ
തൃപ്പാദം കുമ്പിടാന്
ലക്ഷം ലക്ഷം…
***
കറിയാച്ചന്റെ സംശയം
പള്ളിപ്രസംഗത്തിലെ
ഒരു വാചകം
കറിയാച്ചന്റെ
കഠിനഹൃദയത്തില് തറച്ചു
മണ്ണില് നിന്നെടുക്കപ്പെട്ട നീ
മണ്ണിനോട് ചേരുന്നതുവരെ
നെറ്റിയിലെ വിയര്പ്പുകൊണ്ട്
ഭക്ഷണം സമ്പാദിക്കും
ഗൃഹസന്ദര്ശന വേളയില്
കറിയാച്ചന് ചോദിച്ചു
അച്ഛനും എനിക്കും
രണ്ടുണ്ടോ വേദപുസ്തകം?
***
മദ്ധ്യമാര്ഗ്ഗം
ദൈവമുണ്ടോ?
ഉണ്ടെന്നു പറഞ്ഞാല്
സ്വയം വഞ്ചന…
ഇല്ലെന്നു പറഞ്ഞാല്
വധ ഭീഷണി…
മദ്ധ്യമാര്ഗ്ഗമാണ് നല്ലത്
ദൈവം ഉണ്ടില്ല…
***
No Comments yet!