തദേവുഷ് റൂസെവിച്ച്

ദസ്തയെവ്സ്കി പറഞ്ഞു
സത്യമോ യേശുവോ
എന്നൊരു തിരഞ്ഞെടുപ്പു വന്നാൽ
താൻ തിരഞ്ഞെടുക്കുക
യേശുവിനെ ആയിരിക്കുമെന്ന്

എനിക്കിപ്പോൾ
ദസ്തയെവ്സ്കിയെ
മനസ്സിലായിത്തുടങ്ങിയിരിക്കുന്നു

യേശുവിന്റെ ജനനം, ജീവിതം,
മരണം, ഉയിർത്തെഴുന്നേല്പ്
പ്രപഞ്ചത്തിലെ
വലിയൊരപവാദമായിരുന്നു

യേശു ഇല്ലായിരുന്നുവെങ്കിൽ
നമ്മുടെ ചെറിയ ഗ്രഹം
ഒരു പ്രാധാന്യവുമില്ലാത്തതായേനെ

ഈ മനുഷ്യൻ
ദൈവത്തിന്റെ പുത്രൻ
മരിച്ചുവെങ്കിൽ

ഓരോ ദിവസവും പ്രഭാതത്തിൽ
പിന്നെയുമവൻ ഉയിർത്തെഴുന്നേൽക്കുന്നു
അവനെ അനുകരിക്കുന്ന
ആരിലും.

***